१८ असार २०८३, बिहीबार
धनकुटामा १६ वर्षीया किशोरीलाई बलात्कार गरेको आरोपमा एक जना पक्राउ परेका छन् ।
पक्राउ पर्नेमा उदयपुरको त्रियुगा नगरपालिका- ७ मोतिगडाका २८ वर्षीय सोमनाथ भन्ने सुजन गिरी छन् । उनलाई सोमबार दिउँसो पक्राउ गरिएको प्रहरीले जनाएको छ ।
सुजनले ती किशोरीलाई सुनसरीको इटहरीस्थित एक होटलमा कात्तिक ३० गते बलात्कार गरेको भन्ने उजुरीका आधारमा प्रहरीले पक्राउ गरेको हो ।
प्रहरी चौकी मुढेबास धनकुटाबाट खटिएको प्रहरीले उनलाई चौबीसे गाउँपालिका- २ टोक्रोम्बास्थित शुक्रबारे बजारबाट पक्राउ गरेको हो ।
थप अनुसन्धान भइरहेको प्रहरीले जनाएको छ ।
