२१ असार २०८३, आइतबार
शनिबारदेखि नेपाल प्रिमियर लिग (एनपीएल) क्रिकेट प्रतियोगिता शुरू भएको छ ।
त्रिवि क्रिकेट मैदानमा जारी उद्घाटन खेलमा जनकपुर बोल्ट्सले विराटनगर किंग्सविरुद्ध बलिङ गरिरहेको छ। जनकपुर बोल्ट्सका कप्तान अनिलकुमार साहले टस जितेर पहिले बलिङ रोजेका थिए ।
खेल हेर्नका लागि दर्शकको घुइँचो लागेको छ। कतिपय दर्शकले टिकट लिँदा पनि स्थान अभावका कारण प्रवेश नपाएको गुनासो गरेका छन् ।
जारी खेलमा विराटनगर किंग्सका मार्टिन गप्टिल अर्धशतक बनाएर आउट भएका छन् । ४३ बलमा ७ चौका र १ छक्का प्रहार गर्दै उनी ५५ रन बनाएर आउट भएका हुन् । हर्ष थाकेरको बलमा उनी अनिल साहको हातबाट क्याच आउट भए ।
एनपीएलमा पहिलो विकेट लिने खेलाडी भने ललित राजवंशी बनेका छन् । जनकपुर बोल्ट्सका बलर राजवंशीले विराटनगर किङ्ग्सका ब्याटर लोकेश बमको विकेट लिएका हुन् । ललितले एनपीएलको पहिलो बलमै लोकेशको विकेट लिएका हुन् ।
यस्तै एनपीएलमा पहिलो चौका प्रहार गर्ने खेलाडी लोकेश बनेका छन् । लोकेश छ बलमा एक चौकासहित पाँच रन बनाएर आउट भए ।
