त्रिभुवन अन्तर्राष्ट्रिय विमानस्थलबाट एक किलो एक सय ग्राम सुनसहित एकजना पक्राउ परेका छन् ।     
     
पक्राउ पर्नेमा चितवनका आशिष सुवेदी रहेका नेपाल प्रहरीका प्रवक्ता एवं प्रहरी नायब महानिरीक्षक दानबहादुर कार्कीले जानकारी दिए । उनले एक किलो, एक सय ग्राम सुनसहित सुवेदीलाई विमानस्थल भन्सारका कर्मचारी एवं त्यहाँ खटिएको प्रहरी टोलीले पक्राउ गरेको बताए । 

एयर अरेबियाको फ्लाइटबाट दुबई हुँदै नेपाल आएका सुवेदीले रबरको एक प्रकारको भाँडो बनाएर त्यसमा लुकाएर सुन ल्याएको अवस्थामा पक्राउ परेका प्रहरीले जनाएको छ । उनलाई प्रहरी वृत्त गौशालामा राखी थप अनुसन्धान भइरहेको डीआईजी कार्कीले बताए ।