०९ साउन २०८३, शनिबार
मोरङको ग्रामथान गाउँपालिका अध्यक्षको उपनिर्वाचनमा बिहान ११ बजेसम्म ६ हजार ८ सय २६ मत खसेको छ ।
कुल २६ हजार ४४ मतदाता रहेकोमा झण्डै ७ हजार मत खसेको सहायक निर्वाचन अधिकृत रामराज पौडेलले जानकारी दिए ।
अध्यक्ष पदका लागि एक स्वतन्त्रसहित १६ उम्मेदवार चुनावी दौडमा छन् ।
यहाँ १२ मतदानस्थल र २९ मतदान केन्द्र तोकिएका छन् ।
२०७९ सालको निर्वाचनमा अध्यक्ष पदमा विजयी नेपाली कांग्रेसका जयप्रकाश गच्छदारको गत असारमा निधन भएपछि उक्त स्थानमा उपनिर्वाचन भएको हो ।
