०२ असार २०८३, मंगलबार
प्रहरीले मोरङ र अछामबाट भरुवा बन्दुकसहित दुई जनालाई पक्राउ गरेको छ ।
मोरङको सुनवर्षी नगरपालिका-७, बरडङ्गा बस्ने ओम प्रकाश यादवलाई १ थान भरुवा बन्दुकसहित मंगलबार दिउँसो पक्राउ गरिएको प्रहरीले जनाएको छ ।
इलाका प्रहरी कार्यालय रंगेलीबाट खटिएको प्रहरीले उनको घर तलासी गर्दा उक्त बन्दुक फेला पारी उनलाई पक्राउ गरेको हो ।
यस्तै, अछामको साँफेबगर नगरपालिका-७, रिडिकोट बस्ने ३३ वर्षीय कुबेर केसीलाई पनि १ थान भरुवा बन्दुकसहित मंगलबार दिउँसो प्रहरीले पक्राउ गरेको छ ।
इलाका प्रहरी कार्यालय बयलपाटाबाट खटिएको प्रहरीले उनको घरको छानामाथि लुकाईछिपाई राखेको अवस्थामा बन्दुक फेला पारी उनलाई पक्राउ गरेको हो ।
