३० असार २०८३, मंगलबार
नेपाल प्रिमियर लिग (एनपीएल) क्रिकेटमा लुम्बिनी लायन्सविरुद्ध जनकपुरले रोमाञ्चक जीत निकालेको छ ।
कीर्तिपुरस्थित त्रिवि क्रिकेट मैदानमा टस हारेर पहिले ब्याटिङ गरेको जनकपुरले १३६ रन बनाएको थियो ।
पहिलो जीतका लागि १३७ रनको विजयी लक्ष्य पच्छ्याएको लुम्बिनी लायन्सलाई अन्तिम बलमा २ रन आवश्यक थियो ।
तर हर्स थाकरले अन्तिम बलमा सन्दीप जोरालाई आउट गरेपछि जनकपुरले रोमाञ्चक जीत हात पारेको हो ।
लुम्बिनीले २० ओभरको समाप्तिमा ८ विकेट गुमाएर १३५ रन मात्रै बनायो ।
लुम्बिनीका कप्तान रोहित पौडेलले सर्वाधिक ३५ रन बनाए । टम मुर्स ३१, अर्जुन साउदले २०, सन्दीप जोराले १६ रन बनाए ।
एनपीएलमा लगातार चौथो जीत निकालेको जनकपुर ८ अंक जोडेर शीर्ष स्थानमा रहेको छ ।
लुम्बिनीको भने यो लगातार चौथो हार हो ।
आजको दोस्रो खेलमा सुदूरपश्चिम रोयल्स र चितवन राइनोज् भिड्दै छन् ।
