२६ जेठ २०८३, मंगलबार
काठमाडौंको कागेश्वरी मनोहराबाट जुवा खेलिरहेको अवस्थामा १७ जना पक्राउ परेका छन् ।
कागेश्वरी मनोहरा नगरपालिका- ४ डाँछी नयाँगाउँस्थित खाली जग्गामा जुवा (ओखर) खेलिरहेको अवस्थामा सोही नगरपालिकाको डाँछी बस्ने ३३ वर्षीय हस्तबहादुर तामाङसहित १७ जनालाई सोमबार राति पक्राउ गरिएको प्रहरीले जनाएको छ ।
जिल्ला प्रहरी परिसर काठमाडौं र प्रहरी वृत्त बौद्धबाट खटिएको प्रहरीले उनीहरूलाई पक्राउ गरेको हो ।
प्रहरीले उनीहरूको साथबाट १ लाख ६५ हजार ४ सय रुपैयाँ र १९ दाना ओखर बरामद गरेको छ ।
थप अनुसन्धान भइरहेको प्रहरीले जनाएको छ ।
