०२ साउन २०८३, शनिबार
क्वालालम्पुर, २८ कात्तिक– एसीसी १९ वर्षमुनिकाे एसिया कप क्रिकेट अन्तर्गत समूहेको तेस्रो खेलमा नेपालसामू मलेसियाले ४६ रनको झिनो लक्ष्य प्रस्तुत गरेको छ ।
बर्षाका कारण ५ घण्टा ढिलो गरी शुरु भएको खेलामा मलेसियाले १५.३ ओभरमा सबै विकेट गुमाउँदै ४५ रन मात्रै बनाउन सक्यो । नेपालले टस जितेर फिल्डिङ रोजेको थियो ।
नेपालका लागि सन्दिप लामिछाने एक्लैले ५ विकेट लिए । नेपाली टीमका कप्तान दिपेन्द्रसिंह ऐरी र शहवाव आलमले समान २–२ विकेट लिए भने अनिल कुमार शाहले १ विकेट लिए ।
बर्षाका कारण ५० ओभरको खेललाई २४ ओभरमा छोट्याइएको छ ।
यसअघि समूहको दोस्रो खेलमा भारतबिरुद्ध १९ रनको ऐतिहासिक जित निकालेको नेपाल प्रतियोगिताको सेमिफाइनलमा पुग्ने सम्भावना जिवितै राख्न आजको खेल जित्नैपर्ने अवस्थामा छ ।
