२८ जेठ २०८३, बिहीबार
म्यान्चेस्टर युनाइटेडलाई पराजित गर्दै टोटनहाम इंग्लिस फुटबल लिग (इएफएल) कपको सेमिफाइनलमा प्रवेश गरेको छ ।
बिहीबार राति भएको रोमाञ्चक क्वाटरफाइनलमा टोटनहामले युनाइटेडलाई ४-३ गोलअन्तरले हराएको हो ।
टोटनहामको जितमा डोमिनिक सोलान्केले २ गोल गर्दा डेजान कुलुसेभ्स्की र सन ह्युङमिनले १-१ गोल गरे । युनाइटेडका जोसुआ जर्क्जी, अमाद दियालो र जोनी इभान्सले १-१ गोल गरे ।
टोटनहामले अब फाइनल प्रवेशका लागि लिभरपुलसँग खेल्ने छ । लिभरपुलले खेलमा साउथह्याम्पटनलाई २-१ गोलअन्तरले हराएको थियो ।
