०८ साउन २०८३, शुक्रबार
भारतको राजस्थानस्थित जयपुर-अजमेर राजमार्ग क्षेत्रमा ग्यासले भरिएको ट्याङ्कर विष्फोट हुँदा भीषण आगलागी भएको हो । शुक्रबार बिहान करिब ६ बजे भएको घटनामा आठ जनाको मृत्यु भएको छ ।
आगलागीमा परी ३५ जना घाइते भएको भारतीय सञ्चार माध्यमहरूले जनाएका छन् । अस्पतालमा भर्ना भएकामध्ये ५० प्रतिशतको अवस्था गम्भीर छ।
मृत्यु हुनेको संख्या बढ्न सक्ने समाचारमा उल्लेख छ ।
प्रारम्भिक जानकारीका अनुसार ट्रकसँग ठोक्किएपछि ट्याङ्कर विष्फोट भएको थियो । ट्यांकर विस्फोट भएपछि ३० भन्दा बढी गाडीमा आगलागी भएको थियो ।
आगो निभाउन तीन दर्जन एम्बुलेन्स र दमकल प्रयोग गरिएको थियो । जयपुर-अजमेर राजमार्ग बन्द गरिएको छ।
