जर्मनीको क्रिसमस बजारमा तीव्र गतिको कार ठोक्किँदा कम्तीमा दुई जनाको मृत्यु भएको छ भने ६८ जना घाइते भएका छन् ।

यो घटना जर्मनीको म्याग्डेबर्गको हो । मृत्यु हुनेमा एक बालक पनि छन् ।

सामाजिक सञ्जालमा उपलब्ध फुटेजमा साँघुरो लेनमा तीव्र गतिमा गुडिरहेको कारले धेरैलाई ठक्कर दिएको देख्न सकिन्छ।

स्थानीयले यो आक्रमण जानाजानी भएको हुनसक्ने आशंका गरेका छन् ।

टिभीबाट प्राप्त तस्विरमा एक संदिग्ध व्यक्तिलाई बन्दुक लिएर प्रहरीले पक्राउ गरेको देख्न सकिन्छ ।