त्रिभुवन विश्वविद्यालय अन्तर्राष्ट्रिय क्रिकेट मैदान कीर्तिपुरमा नेपाल प्रिमियर लिग (एनपीएल)को फाइनल खेल भइरहेको छ । उपाधिका लागि सुदूरपश्चिम रोयल्स र जनकपुर बोल्ट्स भिडिरहेका छन् । 

एनपीएलको फाइनल खेल हेर्न त्रिवि क्रिकेट मैदानमा क्रिकेटका ‘फ्यानहरू’ उर्लिएका छन्  । दुवै टिमका समर्थकहरूले त्रिवि मैदान भरिभराउ छ । 

खेल हेर्नका लागि पूर्वप्रधानमन्त्री एवं नेकपा मा‌‌ओवादी केन्द्रका अध्यक्ष पुष्पकमल दाहाल ‘प्रचण्ड’देखि गृहमन्त्री रमेश लेखकसम्म त्रिवि मैदान कीर्तिपुर पुगेका छन् ।

यस्तै, उद्योगमन्त्री दामोदर भण्डारी, मधेश प्रदेशका मुख्यमन्त्री सतिश कुमार सिंह लगायत पनि खेल हेर्न र खेलाडीलाई हौसला प्रदान गर्न कीर्तिपुर मैदान पुगेका छन् । 

सुदूरपश्चिमसामु आफ्नो परिचित प्रतिद्वन्द्वीमाथि जीतको ह्याट्रिक गरेर उपाधि जित्ने अवसर छ भने जनकपुरसामु दुई हारको मीठो बदला लिएर उपाधि उचाल्ने अवसर छ । 

प्रतियोगिताको विजेताले एक करोड १० लाख र उपविजेताले ५० लाख रुपैयाँ पाउने छन् । 

हेर्नुहोस् कीर्तिपुरमा देखिएको क्रिकेट रौनक