१५ असार २०८३, सोमबार
मोरङको जहदा गाउँपालिका-३ की २२ वर्षीया महिलालाई बलात्कार गरेको आरोपमा पक्राउ परेका तीन जनाविरुद्ध प्रहरीले म्याद थपगरी अनुसन्धान शुरू गरेको छ ।
मोरङ प्रहरीले पक्राउ परेका तीन जनाविरुद्ध तीन मुद्दामा म्याद थप गरेर अनुसन्धान शुरू गरेको हो ।
सामूहिक बलात्कार गरेको आरोपमा प्रहरीले मोरङ कटहरी गाउँपालिका २ का २० वर्षीय महमद रमजान, ठाउँका १९ वर्षीय सुनिलकुमार साह र भारत विहार घर भई हाल कटहरी-२ बसी ग्यारेजमा काम गर्ने १८ वर्षीय महमद गुल्जर पक्राउ परेका छन् ।
उनीहरुविरुद्ध मोरङ अदालतमा बिहीबार अपहरण, शरीर बन्धक राखि ज्यान मार्ने उद्योग र जबरजस्तीकरणी मुद्दामा म्याद थपगरी थप अनुसन्धान भइरहेको मोरङ प्रहरीका प्रवक्ता डीएसपी वेदप्रकाश जोशीले जानकारी दिए ।
पुस ९ गते दिउँसो अन्दाजी १२:५० बजे ती महिलामाथि तीन जनाले कटहरी गाँउपालिका वडा नं. २ कदमगछिस्थित बाँसघारी नजिक खेतमा सामूहिक बलात्कार गरेका थिए ।
बलात्कारपछि दुवै हात र खुट्टा बाँधेको र मुखमा समेत कपडा कोचेको अर्धचेत अवस्थामा उनी फेला परेकी थिइन् । उनको विराटनगरस्थित कोशी अस्पतालमा उपचार भइरहेको छ ।
