२३ असार २०८३, मंगलबार
नेपाली कांग्रेसको उद्योग तथा व्यापार विभागमा १० जना मनोनीत भएका छन् ।
नेपाली कांग्रेसका सभापति शेरबहादुर देउवाले नेपाली कांग्रेसको विधान, २०१७ (संशोधनसहित)को धारा २५ (९) बमोजिम पार्टीका केन्द्रीय सदस्य श्री चीनकाजी श्रेष्ठ प्रमुख रहेको उक्त विभागमा उनीहरूलाई मनोनीत गरेका हुन् ।
मनोनीत हुनेहरूमा खगेश्वर बोहरा- कञ्चनपुर, मीनबहादुर भण्डारी- जुम्ला, ध्रुव खड्का- काठमाडौं, जमसेर अलि मियाँ- कपिलवस्तु र सीताराम परियार- काभ्रेपलाञ्चोक रहेका छन् ।
यसैगरी शम्भुहरि बाँस्तोला- सोलुखुम्बु, सञ्जीव घिमिरे- झापा, जुनु गुरुङ- लम्जुङ, ई. विजयकुमार सिंह- रौतहट र राजीव श्रेष्ठ- काठमाडौं रहेका पार्टीका मुख्य सचिव कृष्णप्रसाद पौडेलले जानकारी दिए ।
