पुस २६ गतेदेखि नाटक 'द स्ट्रङ्गर' मञ्चन हुने भएको छ । थिएटर भिलेज नेपालको प्रस्तुति तथा जेनी सुनुवारको निर्देशनमा नाटक मञ्चन हुने भएको हो । ललितपुरको महालक्ष्मीस्थानस्थित थिएटर भिलेज नेपालमै माघ १२ गतेसम्म नाटक मञ्चन हुने छ ।

नाटक सत्ता-शक्ति, पहिचान र महिलामाथिका सामाजिक अपेक्षाहरूको अवधारणामाथि केन्द्रित रहेको भिलेज नेपालले जनाएको छ । नाटकले ऐतिहासिक रूपमा महिलाहरूलाई प्रदान गरिएको अपेक्षित पारम्परिक भूमिकामाथि प्रश्न गर्दै समाजले परिभाषित गरेका सत्ता-शक्ति, सौन्दर्य र प्रभावका स्थापत्यमाथि आलोचनात्मक मत राखेको छ । 

नाटक 'द स्ट्रङ्गर' एक स्विडिस नाटक हो, जसलाई अगस्ट स्ट्राइन्डबर्गले सन् १८८९ मा लेखेका हुन् । 

एउटा राम्रो कथा खोज्ने क्रममा आफूले नाटक 'द स्ट्रङ्गर' फेला पारेको निर्देशक जेनी सुनुवारले बताइन् । नाटकभित्रको सरलता र संवेगात्मक गहिराइले आफूलाई तानेको उनको भनाइ छ । 

ललितपुरको महालक्ष्मीस्थानस्थित गैरनाफामूलक नाट्यसंस्था, थिएटर भिलेज नेपालले नेपाली रंगमञ्चलाई पुनर्परिभाषित गर्ने उद्देश्यका साथ काम गर्दै आएको छ ।

नाटक 'द स्ट्रङ्गर' परिवार: 
परिकल्पनाकार/निर्माता/निर्देशक:जेनी सुनुवार 

मञ्चमा:जेनी सुनुवार, सरगम राई, संजिब राई, बालाहाङ राई 

सल्लाहकार:विमल सुवेदी, दिलीप रानाभाट, सुजन ओलि 
प्रोडक्सन म्यानेजर:साजनकुमार सुनुवार
मार्केटिङ हेड: प्रजित बस्याल
बक्स अफिस:राजेन्द्र श्रेष्ठ
टेक्निकल हेड: हरिकृष्ण अधिकारी
मिडिया आर्ट/फोटोग्राफी/भिडियोग्राफी: चक्र पुलामी
मिडिया संयोजक: बच्चु हिमांशु 
कला:कृपा खड्गी
श्रृङ्गार:पूर्णिमा आचार्य 
भेषभूषा: अम्बिका श्रेष्ठ 
आतिथ्य संयोजन: नुनिमा राई 
स्वयंसेवक:अमन किरात, प्रेजन राई