०५ साउन २०८३, मंगलबार
राष्ट्रपति रामचन्द्र पौडेलले जनवादी गणतन्त्र चीनको स्वशासित क्षेत्र तिब्बतमा मंगलबार बिहान भएको भूकम्पबाट अमूल्य जीवन र सम्पत्ति क्षति भएकोमा गहिरो दुःख व्यक्त गरेका छन् ।
राष्ट्रपति पौडेलले सामाजिक सञ्जाल एक्समार्फत भूकम्पमा ज्यान गुमाएकाहरूका परिवारजनमा हार्दिक समवेदना एवं सहानुभूति प्रकट गरेका छन् । उनले घाइते भएकाहरूको शीघ्र स्वास्थ्यलाभको कामना समेत गरेका छन् ।
साथै, राष्ट्रपति पौडेलले गहिरो शोकको यो घडीमा नेपाल चीन सरकार र त्यहाँका जनताका साथमा रहेको उल्लेख गरेका छन् ।
