२० असार २०८३, शनिबार
नेपाल उद्योग वाणिज्य महासंघले दुर्गाप्रसाद अंगाईलाई चीनका लागि मानार्थ प्रतिनिधिमा नियुक्त गरेको छ ।
महासंघले नेपाल र चीनबीचको व्यापार र सम्बन्धलाई सुदृढ बनाउन अंगाईले उत्कृष्ट योगदान गरेको भन्दै मानार्थ प्रतिनिधिमा नियुक्त गरेको हो ।
अंगाईको नेटवर्किङ क्षमता र उद्योग विशेषज्ञताले नेपालमा प्रत्यक्ष वैदेशिक लगानी भित्र्याउन सहयोग गरेको महासंघले जनाएको छ ।
अंगाईले महासंघ र चीनका प्रख्यात चेम्बर अफ कमर्सबीचको बलियो सम्बन्ध निर्माणमा पनि महत्वपूर्ण भूमिका निर्वाह गरेको बताइएको छ ।
