०६ साउन २०८३, बुधबार
सुप्रिम सहकारीको रकम अपचलनमा रवि लामिछानेसहित ४२ जनाविरुद्ध मुद्दा दर्ता भएको छ ।
रुपन्देही जिल्ला अदालतका स्रेस्तेदार यज्ञमूर्ति ज्ञवालीका अनुसार आइतबार पूरक र थप अभियोग गरेर ४२ जनाविरुद्ध मुद्दा दर्ता भएको हो ।
सरकारी वकिल कार्यालयको अभियोजन पत्रमा लामिछानेसँग ८ करोड ३५ लाख बिगो मागदाबी गरिएको छ ।
'...लामिछाने गोरखा मिडिया नेटवर्क प्रालिको सञ्चालक शेयर धनी रहेको अवस्थामा सहकारीबाट ८ करोड ९९ लाख ३६ हजार रुपैयाँ प्रालिमा गएको खुलेको छ,' लामिछानेविरुद्धको अभियोग पत्रमा उल्लेख छ ।
साथै ८ करोड ३३ लाख ६ हजारमा समेत उनको सामूहिक दायित्वमा रहेको अभियोगपत्रमा उल्लेख छ।
लामिछानेले बयानका क्रममा सहकारीबाट रकम आएको थाहा छैन भने पनि उनले विभिन्न कम्पनीहरूलाई रकम प्रवाह गरी सहकारीबाट आएको रकम क्लियरिङ गर्ने गरेको देखिएको अभियोग पत्रमा उल्लेख छ ।
