२२ असार २०८३, सोमबार
पूर्व प्रधानमन्त्री पुष्पकमल दाहालका पुत्र प्रकाश दाहालको निधन भएपछि दलका नेताहरुले समवेदना व्यक्त गरेका छन् ।
प्रधामन्त्री शेरबहादुर देउवाले प्रचण्डका छोरा प्रकाश दाहालको अल्पायुमै निधन भएको निधनले आफू मर्माहत भएको सामाजिक सञ्जाल ट्वीटरमार्फत समावेदना व्यक्त गरेका छन् ।
त्यस्तै पूर्वप्रधानमन्त्री बाबुराम भट्टराईले सामाजिक सञ्जालबाट समवेदना व्यक्त गर्दै लेखेका छन्,‘पूर्व प्रधानमन्त्री पुष्पकमल दाहाल प्रचण्ड र सीता दाहालका सुपुत्र प्रकाश दाहालको
अल्पायुमै आकस्मिक निधनले स्तव्ध र मर्माहत भएको छु । मृतकप्रति हार्दिक श्रद्धान्जली र शोकसन्तप्त परिवारजनमा गहिरो समवेदना प्रकट गर्दछु ।’
राप्रपाका अध्यक्ष एवं उपप्रधानमन्त्री कमल थापाले दाहालको निधनको समाचारले स्तव्ग्ध भएको बताएका छन् । सामाजिक सञ्जालमा उनले लेखेका छन्,‘व्यक्तिगतरुपमा उनी असल मानिस थिए । दिवंगत आत्माको चीरशान्तिको कामना गर्दछु । प्रचण्डजी, सिताजी र सम्पूर्ण दाहाल परिवारमा यो असह्य पीडा सहनसक्ने शक्ति भगवानले प्रदान गरुन् । हार्दिक समवेदना ।’
