१७ असार २०८३, बुधबार
त्रिभुवन अन्तर्राष्ट्रिय विमानस्थलबाट १६ किलो शंकास्पद वस्तुसहित एक जना चिनियाँ नागरिकलाई प्रहरीले पक्राउ गरेको छ ।
ड्रुक एयरलाइन्समार्फत् हङकङ जान लागेका चिनियाँ नागरिकलाई प्रहरीको लागूऔषध नियन्त्रण ब्यूरोको टोलीले नियन्त्रणमा लिएको हो ।
ब्यूरोका प्रवक्ता एसपी रामेश्वर कार्कीका अनुसार बरामद गरिएको धुलो वस्तु परीक्षणका लागि केन्द्रीय विधि विज्ञान प्रयोगशालामा पठाइएको छ ।
एसपी कार्कीले धुलो लागूऔषध हो वा होइन परीक्षण रिपोर्ट आएपछि मात्रै सार्वजनिक गरिने बताए ।
