०४ असार २०८३, बिहीबार
काठमाडौं, ३ मंसिर– अध्यक्ष प्रचण्डका पुत्र तथा पोलिटव्यूरो सदस्य प्रकाश दाहालको निधनले नेकपा माओवादीको सिंगो पार्टी पंक्ति नै शोकाकुल भएको छ ।
प्रकाशको निधनले पार्टीलाई अतुलनीय क्षति समेत भएको माओवादीले जनाएको छ ।
प्रचण्डपुत्र प्रकाशको आइतवार विहान आकस्मिक हृदयघातबाट मृत्यु भएको हो ।
माओवादी प्रवक्त पम्पा भुसालले शोक वक्तव्य जारी गर्दै प्रकाशले जनयुद्धदेखि नै पार्टीमा जिम्मेवार भूमिका निर्वाह गरेका बताएकी छन् ।
प्रकाश २०५७ सालमा माओवादीको पूर्णकालीन सदस्यका रुपमा भूमिगत भएका थिए । जनयुद्धका बेला प्रकाश बुबा तथा पार्टी अध्यक्ष प्रचण्डको सहयोगीको रुपमा काम गर्दथे ।
उनले माओवादीको तत्कालीन केन्द्रीय कार्यालय ‘हेडक्वार्टर’मा सूचना तथा सञ्चार विभागको जिम्मेवारी समेत सम्हालेका थिए ।
