नेपाली कांग्रेसको संसदीय दल बैठकमा सांसदहरूले उठाएको प्रश्नको मन्त्रीहरूले जवाफ दिइरहेका छन् । 

संसद बैठक शुरू हुनुअघि बसेको संसदीय दलको बैकठमा सांसदले उठाएका प्रश्नको मन्त्रीहरूले जवाफ दिइरहेको सांसद रामहरि खतिवडाले जानकारी दिए । 

‘अघिल्लो बैठकमा सांसदहरूले मन्त्री कामका विषयमा प्रश्न र जिज्ञासा उठाउनुभएको थियो । सरकारमा अझै प्रभावकारी काम होस् भन्ने सांसदहरूको चाहना थियो,’ खतिवडाले भने, ‘त्यसैले मन्त्रीले सांसदका गुनासा र प्रश्नको जवाफ दिइरहनु भएको छ ।’ 

बैठकमा पार्टीका पदाधिकारी र शीर्ष नेताले जवाफ दिनेछन् । 

कांग्रेसले आजबाट शुरू हुने संसदको हिउँदे अधिवेशनमा प्रभावकारी रुपले प्रस्तुत हुने तयारी गरेको छ । 

यस घि संसदमा अड्किएर बसेका विधेयकलाई पारित गर्ने विषयलाई कांग्रेसले प्राथमिकतामा राखेको छ ।