२३ जेठ २०८३, शनिबार
नेपाल स्टक एक्सचेन्ज(नेप्से) झिनो अङ्कले बढेको छ ।
साताको दोस्रो कारोबारका दिन सोमबार नेप्से परिसूचक २.४१ अंकले बढेर २७३० को विन्दुमा कायम भएको हो ।
अघिल्लो कारोबारका दिन आइतबार मात्रै ६९.८० अंकले बढेर परिसूचक २७२७.५८ को विन्दुमा बन्द भएको थियो । आज बजारमा २ करोड ३७ लाख ७० हजार ३४८ कित्ता शेयरको खरिद बिक्री हुँदा ११ अर्ब ८७ करोड ५९ लाख ६७ हजार रुपैयाँको कारोबार भएको छ ।
सोमबार उपकार लघुवित्त वित्तीय संस्था र भूगोल इनर्जी डेभलपमेन्ट कम्पनीको शेयर मूल्य सर्वाधिक १० प्रतिशतले बढेको छ । त्यस्तै, ग्रीन डेभलपमेन्ट बैंक र रिभर फल्स पावर लिमिटेडको शेयर मूल्य सबैभन्दा बढी १० प्रतिशतले घटेको छ ।
आज कारोबारका आधारमा एनआरएन इन्फाइस्टक्चर एन्ड डेभलपमेन्ट लिमिटेड ३५ करोड ३० लाख ७५ हजार रुपैयाँको कारोबार सहित शीर्ष स्थानमा रहेको छ ।
