२६ जेठ २०८३, मंगलबार
भारतको उत्तर प्रदेशमा फाइबर केबल चुँडिएर आइतबार राति इन्टरनेटमा समस्या आएको नेपाल टेलिकमले जानकारी दिएको छ ।
टेलिकमले सोमबार एक सूचनामार्फत आपूर्तिकर्ताहरू मध्ये भारतको भारती एयरटेल लिमिटेडको उत्तर प्रदेशस्थित फरेन्दा र कोल्हुइ बजार क्षेत्रका दुई स्थानमा फाइबर केबल चुँडिन गई नेटवर्कमा समस्या उत्पन्न भएको जनाएको हो ।
सोही कारणले गएराति ९ः०७ देखि १०ः३० सम्म टेलिकमको इन्टरनेट सेवामा आंशिक समस्या उत्पन्न हुन गएको सूचनामा उल्लेख छ।
