०२ असार २०८३, मंगलबार
दाङको लमही-३ मझगाउँका ६५ वर्षीय मधु चौधरी ललितपुरस्थित जावलाखेलबाट हराएका छन् । छोरीलाई भेट्न ललितपुर आएका उनी सोमबार बिहानबाट हराएका हुन् ।
बिहान मर्निङ वाक गर्न कोठाबाट निस्किएका बुवा अहिले (मंगलबार बिहान)सम्म सम्पर्कमा नआएको छोरी संगीताले बताइन् ।
'हिजो बिहान जावलाखेल दमकल चोकबाट डुल्न जान्छु भन्दै बुवा निस्किनुभएको थियो, तर त्यसपछि सम्पर्कमा आउनुभएको छैन,' उनले भनिन् ।
बुवा हराएकोबारे जावलाखेल प्रहरीलाई पनि जानकारी गराएको उनले बताइन् ।
हराएका बुवाबारे कुनै जानकारी भएमा नजिकको प्रहरी कार्यालय वा परिवारलाई खबर गरिदिन उनले अनुरोध गरेकी छन् ।
अपडेट :जावलाखेलबाट हराएका मधु भेटिएका छन् । ललितपुरबाट हराएका उनी लमहीस्थित घर पुगेको छोरी संगीताले बताइन् ।
