३० जेठ २०८३, शनिबार
नेपाली कांग्रेसका सांसद दीलेन्द्रप्रसाद बडूले अर्थमन्त्री विष्णु पौडेल र पोखराका मेयर धनराज आचार्य जलनमा परेको घटना सम्बन्धमा छानबिनको माग गरेका छन् ।
आइतबार बसेको प्रतिनिधिसभा बैठकको शून्य समयमा सांसद बडूले पोखरामा भएको घटना कसरी भयो भनेर छानबिन गर्नुपर्ने बताएका हुन् ।
संसद्को आकस्मिक समयमा कांग्रेसका चन्द्र भण्डारी र राप्रपाका धवलशमशेर जबरा र शून्य समयमा धनराज गुरुङ, देवेन्द्र पौडेललगायतले पोखरा घटनाप्रति दु:ख व्यक्त गरेका छन् ।
पोखरा भ्रमण वर्ष उद्घाटनका क्रममा बेलुन पड्किँदा अर्थमन्त्री पौडेल र मेयर आचार्य घाइते भएका थिए ।
उनीहरूको कीर्तिपुरस्थित बर्न अस्पतालमा उपचार भइरहेको छ ।
