संसद्‌मा सांसदहरूका प्रश्नको जवाफ दिने क्रममा प्रधानमन्त्री केपी शर्मा ओलीको खुट्टामा समस्या भएपछि रोष्ट्रममा कुर्सीको व्यवस्था गरिएको छ ।

आइतबार बसेको प्रतिनिधिसभा बैठकको प्रश्नोत्तर कार्यक्रममा सांसद प्रभु हजराको प्रश्न सकिएपछि ओलीले कुर्सीको व्यवस्था गरिदिन माग गरेका थिए । 

‘सभामुख महोदय, मलाई अलिकति खुट्टामा थोरै समस्या भएको हुनाले, कुर्सी प्रयोग गर्ने गरिएकै छ । व्यवस्था गरिदिनु होला,’ ओलीले भने ।

त्यसपछि संसद्का कर्मचारीले ओलीलाई कुर्सी ल्याइदिएका हुन् ।

कुर्सी ल्याइदिएपछि ओलीले कुर्सीमा बसेर रोष्ट्रमबाट जवाफ दिएका छन् ।

संसद्‌मा प्रश्नोत्तर कार्यक्रम लम्बिएपछि ओलीले कुर्सी मगाएका हुन् । 

विगतमा पनि प्रधानमन्त्रीहरूले आवश्यक परेको बेला रोष्ट्रममा कुर्सी प्रयोग गर्ने गरेका थिए ।