दुबईमा भएको च्याम्पियन्स ट्रफी खेलमा भारतसँग पराजित भएपछि पाकिस्तानका पूर्व फास्ट बलर शोएब अख्तरले पाकिस्तानी टोली व्यवस्थापनप्रति असन्तुष्टि व्यक्त गरेका छन्।

शोएब अख्तरले भने, 'मलाई थाहा थियो अब के हुनेवाला छ। संसार ६ बलरसँग खेलिरहेको छ र तपाईं अलराउन्डरसँग जानुहुन्छ।'

उनले अगाडि भने, 'यो बुद्धिमानी व्यवस्थापन होइन। यसमा तपाईं केटाकेटीहरू (खेलाडीहरू) लाई के भन्नुहुन्छ? उनीहरूलाई केही थाहा छैन। उनीहरूसँग विराट कोहली, रोहित शर्मा वा शुभमन गिल जस्तो सीप छैन। खेलाडीहरू व्यवस्थापन अनुसार हुनेछन्। यो धेरै निराशाजनक छ।'

आइतबार दुबईमा भएको आईसीसी च्याम्पियन्स ट्रफीको खेलमा भारतीय टोलीले पाकिस्तानलाई ६ विकेटले पराजित गरेको थियो।

 खेलमा विराट कोहलीले शतक प्रहार गरेपछि भारतले २४२ रनको लक्ष्य ४२.३ ओभरमा पूरा गरेको थियो।