२१ जेठ २०८३, बिहीबार
इजरायलले ६ सय प्यालेस्टिनी बन्दीलाई रिहा गर्न थालेपछि हमासले चार बन्धकको शव फिर्ता गरेको छ । हमासले बन्धक बनाएका चार जनाको शवको पहिचान हुन सकेको छैन ।
तर हमासले उनीहरूको नाम सार्वजनिक गरेको छ । हमासका अनुसार यसमा ८६ वर्षीय सालोमो मन्सुर, ५० वर्षीय ओहाद याहलोमी, ५० वर्षीय साची इदान, ६९ वर्षीय इत्जिक अलग रात रहेका छन् ।
इजरायल र हमास बीचको सम्झौताको पहिलो चरणअन्तर्गत बन्धक र बन्दीहरूको यो अन्तिम आदानप्रदान थियो।
उनीहरूलाई हमासले ७ अक्टोबर २०२३ मा बन्धक बनाएको थियो। इजरायली प्रधानमन्त्री बेन्जामिन नेतान्याहुले यी बन्धकहरूको शव फिर्ता भएको पुष्टि गरेका छन् ।
