१३ असार २०८३, शनिबार
कर्णाली प्रदेश सरकार मातहतका कर्मचारी अब विषयगत रूपमा मात्रै विदेश जान पाउने भएका छन् ।
मुख्यमन्त्री यमलाल कँडेलले विषयगतबाहेक अन्य कर्मचारीलाई जान रोक लगाएका हुन ।
सुशासन कायम गर्न प्रदेश सरकार प्रतिबद्ध रहेको उनले बताए ।
'अन्य कर्मचारीको हकमा होइन । हामी मातहतका कर्मचारीका हकमा अब विषयगत कर्मचारी मात्रै विदेश भ्रमणमा जानेछन्,' मुख्यमन्त्री कँडेलले भने, 'सुशासन कायम गर्न प्रदेश सरकार प्रतिबद्ध छ । प्रदेश सरकारका कर्मचारी प्रदेश सरकारप्रति जवाफदेही छन् र हुनुपर्छ ।'
यसअघि कर्णालीमा विदेश भ्रमणमा मनलाग्दी–विषयविज्ञ पठाउनुपर्ने ठाउँमा आफूनिकट कर्मचारी ! शीर्षकको समाचार लोकान्तरमा प्रकाशित भएको थियो ।
समाचार प्रकाशित भएपछि मुख्यमन्त्री कँडेलले विषयतरूपमा मात्रै कर्मचारी विदेश जान पाउने निर्णय गरेका हुन् ।
