इजरायलले गाजामा तत्काल बिजुली आपूर्ति बन्द गर्ने बताएको छ। 

बाँकी बन्धकको रिहाइका लागि दबाब दिन इजरायलले गाजामा बिजुली बनद गरेको बताइएको छ । 

देशका ऊर्जामन्त्री एली कोहेनले इजरायल विद्युत निगमलाई उक्त क्षेत्रमा बिजुली आपूर्ति बन्द गर्न आदेश दिएको बताए । 'मैले गाजा पट्टीमा तुरुन्तै बिजुली आपूर्ति काट्ने आदेशमा हस्ताक्षर गरेको छु। हामी बन्धकहरूको रिहाइ र गाजाबाट हमासको उन्मूलन सुनिश्चित गर्न उपलब्ध सबै उपायहरू प्रयोग गर्नेछौं।'

गत हप्ता, इजरायलले गाजामा राहत सामग्री, तेल र अन्य सामग्री बोकेका सवारी साधनहरूको बाटो अवरुद्ध गरेको थियो । उनले अब पानी आपूर्ति बन्द गर्नेबारे पनि सोचिरहेको बताए।