१३ असार २०८३, शनिबार
पूर्व–पश्चिम राजमार्ग अन्तर्गत बाँकेको कोहलपुरमा जीपले ठक्कर दिँदा एक जनाको मृत्यु भएको छ ।
जीपको ठक्करबाट शुक्रबार कोहलपुर नगरपालिका–१५ का ६० वर्षीय अटवारी थारुको मृत्यु भएको जिल्ला प्रहरी कार्यालय बाँकेका प्रहरी नायव उपरीक्षक दीपक पातलीले जानकारी दिए ।
सडक छेउमा पैदल यात्रा गरिरहेका थारुलाई पश्चिमबाट पूर्वतर्फ जाँदै गरेको प्र २०३ ००१ च ३९९२ नं जीपले ठक्कर दिएको हो ।
जीप चालकलाई प्रहरीले नियन्त्रणमा लिएको छ ।
