१८ असार २०८३, बिहीबार
राष्ट्रिय प्रजातन्त्र पार्टी (राप्रपा)को केन्द्रीय कार्यसम्पादन समितिको बैठक मंगलबार बस्ने तय भएको छ ।
राजा फर्काउन भन्दै राजावादीहरूले पूर्वपञ्च नवराज सुवेदीलाई अघि सारेर सोमबार ‘राजतन्त्र पुनर्स्थापनाका लागि संयुक्त जनआन्दोलन समिति’ घोषणा गरेको सन्दर्भमा यसबारे बैठकमा छलफल हुने एक नेताले बताए ।
सो समितिको निर्देशक समितिमा राप्रपा अध्यक्ष राजेन्द्र लिङ्देनलाई पनि राखिएको छ । तर, लिङ्देनले सल्लाहबिनै समिति भएकाले आफू नरहेको बताइसकेका छन् ।
तर, राप्रपाकै पशुपति शमशेर राणा, डा प्रकाश चन्द्र लोहनी, रवीन्द्र मिश्र, धवलशमशेर राणा लगायतका नेताहरू समितिमा रहेको र उनीहरूले समितिलाई पनि स्विकारिसकेकाले राप्रपाभित्र तरङ्ग उत्पन्न भएको छ ।
यही विषयले पार्टीभित्र तरङ्ग समेत उत्पन्न भएकाले आजको बैठकलाई अर्थपूर्ण रूपमा हेरिएको छ ।
