१७ वर्षीया किशोरी बलात्कार गरेको आरोपमा रसुवामा एक जना पक्राउ परेका छन् । 

गोसाईंकुण्ड गाउँपालिका-५ स्याफ्रुवेशी बस्ने रूकुम पश्चिम मुसिकोट नगरपालिका-१ घर भएका २३ वर्षीय नविन रावललाई शनिबार दिउँसो प्रहरीले पक्राउ गरेको हो ।

रावलले ती किशोरीलाई जबर्जस्ती करणी गरेको भन्ने उजुरीको आधारमा प्रहरी चौकी स्याफ्रुवेशीबाट खटिएको प्रहरीले उनलाई पक्राउ गरेको हो । 

यस सम्बन्धमा थप अनुसन्धान भइरहेको रसुवा प्रहरीले जनाएको छ ।