अख्तियार दुरुपयोग अनुसन्धान आयोगले सरकारी साक्षीविरुद्ध भ्रष्टाचार मुद्दा दायर गरेको छ ।

उदयपुरको चौदण्डीगढी नगरपालिका वडा नम्बर ५ का विकासकुमार चापागाईंविरुद्ध बुधबार विशेष अदालतमा मुद्दा दायर गरिएको आयोगका प्रवक्ता सुरेश न्यौपानेले जानकारी दिए ।

उनका अनुसार ​झलकराम अधिकारीसमेत प्रतिवादी भएको घुस/रिसवत मुद्दामा चापागाईंलाई सरकारी साक्षीका रूपमा पेस गरिएको थियो ।

तर, अदालतमा आयोगमा दिएको बयानभन्दा फरक बयान गरेपछि उनलाई पनि प्रतिवादी बनाएर मुद्दा दायर गरिएको हो ।

आयोगले उनीविरुद्ध ५० लाख रुपैयाँ बिगो कायम गरी सजायको मागदाबी गरेको छ ।