२३ जेठ २०८३, शनिबार
अमेरिकी राष्ट्रपति डोनाल्ड ट्रम्पले रुसी राष्ट्रपति भ्लादिमिर पुटिनसँग आक्रोशित बनेका छन् ।
पुटिनले गत शुक्रबार युक्रेनमा नयाँ अन्तरिम सरकारको आवश्यकताबारे गरेको टिप्पणीको जवाफमा ट्रम्पले आफू धेरै रिसाएको र चिढिएको बताएका हुन् ।
पुटिनको यो भनाइलाई युक्रेनका राष्ट्रपति भोलोदिमिर जेलेन्स्कीलाई प्रत्यक्ष रूपमा सत्ताबाट हटाउने उद्देश्यका साथ आएको भन्दै ट्रम्पले आलोचना गरेका हुन् ।
ट्रम्पले युक्रेनमा युद्धविरामका लागि मस्को जिम्मेवार नहुने हो भने रुसबाट बाहिरिने सबै पेट्रोलियम पदार्थमा थप कर लगाउने चेतावनी दिएका छन् ।
उनले भने, 'यदि मस्कोले शान्ति प्रक्रियालाई असफल बनायो भने हामी रुसी तेल र ग्यासमाथि कडा कर लगाउनेछौं ।'
यो कदमले रुसको अर्थतन्त्रलाई प्रभावित गर्न सक्ने विश्लेषकहरूले बताएका छन् । रुसको अर्थतन्त्र तेल र ग्यास निर्यातमा टिकेको छ । यद्यपि, ट्रम्पले पुटिन सहि दिशातर्फ जाने अपेक्षा रहेको बताए ।
