२४ जेठ २०८३, आइतबार
निजामती सेवा विधेयकको विषयलाई लिएर सोमबार बिहानैदेखि धर्नामा बसेका कर्मचारीहरूलाई कर्णाली प्रदेशसभा परिसरबाट बाहिर निकालिएको छ ।
अहिलेसम्म कर्णाली प्रदेशसभाको बैठक भने शुरू हुन सकेको छैन । विधेयकका विषयमा प्रदेश मामिला समितिमा अहिले पनि छलफल भइरहेको छ ।
पछिल्लो समय प्रदेशसभा सचिवालयले साढे सात बजे प्रदेशसभाको बैठक स्थगित गरेको सूचना निकालेको थियो । अबको दुई घण्टाभित्र बैठक बसिसक्नुपर्ने प्रदेशसभा नियमावलीमा उल्लेख छ ।
अहिले प्रदेशसभा बाहिर विधेयक पारित गर्नुपर्ने पक्षधर कर्मचारी र पारित गर्न हुन्न भन्ने पक्षका कर्मचारीहरूको भीड बढिरहेको छ । जसका कारण प्रहरीले सुरक्षा व्यवस्था कडा पारेको छ ।
यो पनि पढ्नुहोस्- प्रदेश निजामती ऐन संशोधन : समिति निष्कर्षमा पुगेन, प्रदेशसभाभित्रै कर्मचारीको धर्ना
