२१ असार २०८३, आइतबार
धनकुटा साँगुरीगढी गाउँपालिका- ८ स्थितमा भरुवा बन्दुकसहित २ जना पक्राउ परेका छन् ।
पक्राउ पर्नेमा ३२ वर्षीय तेजकुमार विक र ३८ वर्षीय मानभा राई रहेका कोशी प्रदेश प्रहरी कार्यालय, विराटनगरले जनाएको छ ।
उनीहरूको साथबाट १ नाल भरुवा बन्दुक र बारुद बरामद भएको प्रहरीले जनाएको छ ।
इलाका प्रहरी कार्यालय भेडेटारबाट खटिएको प्रहरी टोलीले ढुंग्रेबाट सिन्कुला आउँदै गरेको प्र-१-०२-०४७ प १८८० नम्बरको मोटरसाइकलमा सवार उनीहरूलाई पक्राउ गरेको हो ।
पक्राउ परेका दुवै जनालाई जिल्ला प्रहरी कार्यालय धनकुटामा राखेर थप अनुसन्धान भइरहेको छ ।
