नेपाल बार एसोसिएसनको नयाँ नेतृत्वका लागि भएको निर्वाचनको मतगणनाको प्रारम्भिक नतिजाअनुसार सत्ता समीकरणका उम्मेदवारले आफ्नो अग्रता कायमै राखेका छन् । 

मतगणनाको पछिल्लो नतिजाअनुसार सत्ता समीकरणका उम्मेदवार विजयप्रसाद मिश्रले अग्रता बढाउँदै लगेका हुन् ।

पछिल्लो अपडेटअनुसार मिश्रले ९३३ मत प्राप्त गर्दै अग्रता कायम राखेका छन् । उनका निकटतम प्रतिस्पर्धी रमणकुमार श्रेष्ठले ५५६ मत प्राप्त गरेका छन् ।​​

यसैगरी, अध्यक्षका अन्य उम्मेदवार राजु कैतीले ६, आशिष पौडेलले ८ र उज्जल घिमिरेले ३ मत पाएका छन् । 

यस्तै, उपाध्यक्षमा पदमप्रसाद लिम्बूले १००५ मत प्राप्त गर्दा उनका निकटतम प्रतिस्पर्धी कर्णबहादुर राईले ४६४ मत ल्याएका छन् ।​

२७औं केन्द्रीय कार्यसमितिको २५ सदस्यका लागि ५७ जना चुनावी मैदानमा छन् ।

कार्यसमिति चयन गर्न ९ हजार ९५७ मतदाता रहेकामा ८० प्रतिशत मत खसेको थियो । ​

बारको नयाँ कार्यसमितिका लागि शनिबार मतदान भएको थियो । काठमाडौं र बाहिरगरी जम्मा ३६ वटा मतदान केन्द्रमा मतदान भएको थियो ।

कसले कति मत पाए ?