अमेरिकी राष्ट्रपति ट्रम्पले औषधिमा कर लगाउने घोषणा गरेसँगै भारतीय औषधि कम्पनीहरूको शेयर १.७ प्रतिशतले घटेको छ। अमेरिका भारतीय औषधिको लागि ठूलो बजार हो ।

ट्रम्पले गत हप्ता कर घोषणा गर्दा औषधिहरूलाई छुट दिएका थिए । तर, ट्रम्पको अडान परिवर्तन भएदेखि औषधि कम्पनीहरूको शेयरमा ठूलो उतारचढाव आएको छ ।

बायोकन, लौरस ल्याब्स र लुपिनजस्ता औषधि कम्पनीहरूले सबैभन्दा बढी घाटा बेहोरेका छन् । यी औषधि कम्पनीहरूको शेयर ३ प्रतिशतले घटेर ५ प्रतिशत पुगेको छ ।

अन्य प्रमुख कम्पनीहरूमध्ये सन फार्मास्युटिकल इन्डस्ट्रीज, सिप्ला र डा. रेड्डीज ल्याबोरेटरीजको शेयर १ प्रतिशतदेखि २ प्रतिशतसम्म घटेको भारतीय सञ्चार माध्यमहरूले जनाएका छन् । 

ट्रम्पले औषधिमा कहिले र कति कर लगाउने भनेर अझै स्पष्ट पारेका छैनन् । यद्यपि, उनले चाँडै नै घोषणा गर्ने बताएका छन् ।