२२ जेठ २०८३, शुक्रबार
सिरहामा मोटरसाइकल दुर्घटनामा परेर दुई जनाको मृत्यु भएको छ ।
धनगढीमाई नगरपालिका-७ कसाहा चोकस्थित सडकमा बा ४४ प १५६१ नम्बरको मोटरसाइकल र स ५ प ७७४० नम्बरको मोटरसाइकल एकआपसमा ठक्कर खाँदा दुर्घटना भएको हो ।
बुधबार बिहान भएको दुर्घटनामा बा ४४ प १५६१ नम्बरको मोटरसाइकल चालक सुखीपुर नगरपालिका-८ बस्ने ३० वर्षीय जय कुमार गिरी र स ५ प ७७४० नम्बरको मोटरसाइकल चालक कल्याणपुर नगरपालिका-१२ बस्ने २८ वर्षीय सन्तोष कुमार यादवको मृत्यु भएको हो ।
दुर्घटनामा गम्भीर घाइते भएका उनीहरूको आरके मेटिसिटी अस्पताल धनगढीमा उपचारका क्रममा मृत्यु भएको प्रहरीले जनाएको ।
साथै, दुर्घटनामा घाइते भएका स५ प ७७४० नम्बरको मोटरसाइकलमा सवार १ जनाको सोही अस्पतालमा उपचार भइरहेको छ ।
