२३ जेठ २०८३, शनिबार
एनसेलका ग्राहकले एनसेल एपमार्फत् अब प्रत्येक रू. १०० र सो भन्दा माथिको अनलाइन ब्यालेन्स रिचार्ज गर्दा बोनस डेटा पाउने भएका छन् ।
एनसेल एपमार्फत रू. १०० देखि रू. २०० सम्मको अनलाइन रिचार्ज गर्दा ग्राहकहरूले १ दिनको लागि २०० एमबी बोनस डेटा प्राप्त गर्ने कम्पनीले जनाएको छ ।
यस्तै, रू. २०० वा सोभन्दा माथिको अनलाइन रिचार्ज गर्दा ३ दिनका लागि मान्य रहने ५०० एमबी बोनस डेटा पाइन्छ । स्क्र्याच कार्ड प्रयोग गरेर गरिएको रिचार्जमा डेटा बोनस लागू नहुने कम्पनीले जनाएको छ ।
यो बोनस अफरले ग्राहकहरूलाई डिजिटल माध्यम अपनाउन प्रोत्साहित गर्नुका साथै बोनस डेटाको फाइदा दिन्छ । यसका साथै ग्राहकहरूले एनसेल एपमार्फत् एपमा उपलब्ध विविध सेवा, सुविधा उपयोग गरि त्यसको फाइदा लिन सक्छन् ।
ग्राहकमैत्री यो एपले प्रयोगकर्ताहरूलाई दुई क्लिकमै विभिन्न सेवा उपयोग गर्न सक्षम बनाउँछ, जसले गर्दा यो एक नभई नहुने सेल्फ केयर टुलको रूपमा स्थापित भएको छ । एनसेल एप ग्राहकहरूको डिजिटल यात्रालाई अझ सहज बनाउने उद्देश्यका साथ थुप्रै उपयोगी सुविधाहरूसहित डिजाइन गरिएको सेल्फ सर्भिस एप हो ।
एनसेल एपमार्फत् प्रयोगकर्ताहरूले सजिलै डेटा वा भ्वाइस प्याक, सधैं अन प्याकहरू, सधैं अन रिन्यूअल प्याकहरू लिन, अनलाइन रिचार्ज गर्न सक्छन् । आफ्नो सेवा प्रयोगको विवरण हेर्न सक्छन्, डेटालाई भ्वाइसमा वा भ्वाइसलाई डेटामा परिवर्तन गर्न सक्छन् ।
एनसेलका अनुसार ग्राहकले प्याकहरू उपहारको रूपमा पठाउन सक्छन्, र अरू धेरै सुविधा उपयोग गर्न सक्छन् ।
अन्य उपलब्ध सुविधामा अनलाइन तथा अफलाइन गेम, अनलाइन समाचारको उपलब्धता, मासिक बिल हेर्ने सुविधा, सेवा सक्रिय गर्ने वा लिएका सेवा निष्क्रिय गर्ने सुविधा, रोमिङ सेवा लगायत थुप्रै सेवा समावेश छन् ।
विभिन्न उद्देश्यले छिटो वा लामो समयका लागि विदेश जाने एनसेलका ग्राहकका लागि पनि एनसेल एप एक प्रभावकारी सेल्फ सर्भिस एप हो । जसले उनीहरूलाई सजिलै रिचार्ज गर्न, प्याक खरिद गर्न र रोमिङ सेवाका साथ सजिलै सम्पर्कमा रहन मद्दत गर्दछ ।
एनसेलका ग्राहकहरूले एनसेल एप गुगल प्लेस्टोर वा एप स्टोरबाट डाउनलोड गरी यी विभिन्न सुविधाको लाभ लिन सक्ने कम्पनीले जनाएको छ ।
