०६ असार २०८३, शनिबार
डोल्पाको छार्काभोटमा पहिलोपटक बोलेरो जीप पुगेको छ।
छार्काभोट समुद्री सतहदेखि ४,३०० मिटरको उचाइमा पर्छ। यो विश्वकै अग्लो मानव बस्तीमध्ये एक हो । गण्डकी करिडोरमार्फत दुई वटा बोलेरो जीप मुस्ताङ हुँदै त्यहाँ पुगेका हुन्।
यी जीपले अब छार्काताङसोङ, डोल्पोबुद्ध र शे–फोक्सुण्डो गाउँपालिकामा सेवा दिनेछन् । यस क्षेत्रका बासिन्दालाई आन्तरिक यातायातमा सहज हुने विश्वास गरिएको छ ।
पहिलोपटक सवारीसाधन पुग्दा स्थानीयहरू निकै खुसी भएका छन् । अघिसम्म यहाँ मानिसहरू घोडा, खच्चड र पैदलयात्रामा निर्भर थिए। बाटो निर्माणसँगै यातायातको पहुँच पुगेको हो ।
स्थानीयले अब खाद्यान्न, लत्ताकपडा, औषधि तथा अन्य सामग्री ल्याउन सजिलो हुने बताएका छन् । स्वास्थ्य, शिक्षा र व्यापारमा पनि सुधार हुने आशा गरिएको छ।
