१९ असार २०८३, शुक्रबार
भारतको जम्मू कश्मीरको पहलगाममा पर्यटकहरूमाथि आतंकवादी आक्रमण भएको छ। बन्दुकधारीहरूले पर्यटकहरूमाथि गोली चलाउँदा २७ जनाको मृत्यु भएको भारतीय सञ्चार माध्यमहरूले जनाएका छन् ।
मृत्यु हुनेमा एक नेपाली पनि रहेको दैनिक भास्करले जनाएको छ । भास्करको समाचारअनुसार आक्रमणमा नेपालका सुदीप न्यौपाने मारिएका हुन् । समाचारमा उनको ठेगाना नेपाल मात्र उल्लेख छ ।
बाँकी पर्यटकहरू उत्तर प्रदेश, गुजरात, महाराष्ट्र, कर्नाटक, तमिलनाडु र ओडिशाका छन् ।
घटना मंगलबार दिउँसो २:४५ बजे पहलगामको बैसरन उपत्यकामा भएको थियो ।
आक्रमणको जिम्मेवारी लश्कर-ए-तैयबाले लिएको छ ।
यो २०१९ को पुलवामा आक्रमणपछि जम्मू कश्मीरमा भएको सबैभन्दा ठूलो आतंकवादी आक्रमण भएको समाचारमा उल्लेख छ ।
