२७ असार २०८३, शनिबार
राप्रपा नेपालको कार्यसम्पादन समिति बैठक आज बस्ने भएको छ । आज दिउँसो १:३० बजे पार्टी केन्द्रीय कार्यालय सिफलमा बैठक बस्ने महामन्त्री राजाराम बर्तौलाले जानकारी दिए ।
बैठकमा मुलुकको पछिल्लो राजनीतिक घटनाक्रम, आन्दोलनको तयारी र पार्टीको भूमिका तथा साङ्गठनिक गतिविधिका बारेमा छलफल हुने बर्तौलाले जानकारी दिए ।
उनले भने "आजको बैठकमा केही महत्त्वपूर्ण विषयमा छलफल हुनेछ भने अध्यक्ष कमल थापाले पछिल्लो परिस्थिति र भावी योजना बारे खाका सहित धारणा राख्नुहुनेछ ।" तीनकुने घटना र सो घटनाको आधारमा पक्राउ परेका आस्थाका बन्दीहरुको रिहाइको बारेमा समेत बैठकमा छलफल हुने बताइएको छ।
तीनकुने घटनाको बारेमा निष्पक्ष न्यायिक छानबिन आयोग गठन नभएकोमा पार्टी असन्तुष्ट समेत रहेको छ ।
