सुर्खेतमा भेरी नदीमा डुबेर बेपत्ता भएका पुरुषको शव भेटिएको छ । 

सिम्ता गाउँपालिका–४ भेरी नदीमा बुधबार पौडी खेल्ने क्रममा बेपत्ता भएका ५८ वर्षीय गोविन्द पोखरेलको शव बिहीबार भेटिएको हो ।

उनको शव सशस्त्र प्रहरी बल नेपालको गोताखोर टोलीले नदीको ५० फिट गहिराइबाट निकालेको जनाएको छ । 

सशस्त्र प्रहरी बल नेपाल नं. ६ महेश्वरी बाहिनी मुख्यालय सुर्खेतबाट खटिएको गोताखोरसहितको टोलीले शव निकालेको हो ।

उनी बेपत्ता भएसँगै सशस्त्र प्रहरी बल नेपाल विपद् व्यवस्थापन बेस चिप्ले सुर्खेतबाट समेत खोजी कार्यका लागि टोली परिचालन गरिएको थियो । 

सोही गाउँपालिका बस्ने पोख्रेल मलामी गएको र पौडी खेल्ने क्रममा बेपत्ता भएका थिए ।