अदालतमा मुद्दा विचाराधीन रहेकै अवस्थामा हुन लागेको गैरआवासीय नेपाली संघ (एनआरएनए)को एकता महाधिवेशनमा २ हजार ६४३ जना डेलिगेट्सको टुंगो लागेको छ । 

निर्वाचन समितिका अनुसार जम्मा २ हजार ६४३ जना डेलिगेट्स मध्ये हालसम्म ६२५ जनाले मात्र तोकिएको कागजात बुझाइसकेका छन्। बाँकी रहेका डेलिगेट्सलाई शुक्रबार साँझ आवश्यक प्रमाण र दस्तुर सहित निर्वाचन समितिमा सम्पर्क गर्न आग्रह गरिएको उच्चस्तरीय समितिका सदस्य बिनोद कुँवरले जानकारी दिए । 

तोकिएको समयमा निवेदन दिने व्यक्तिहरूको कागजात र दस्तुर निर्वाचन समितिले आवश्यक छानबिन गरी योग्य ठहरिएका डेलिगेट्सको नाम अन्तिम मतदाता नामावलीमा समावेश गर्ने निर्वाचन समितिका प्रमुख निर्वाचन आयुक्त वरिष्ठ अधिवक्ता गोपालकृष्ण घिमिरेले जनकारी दिए ।