२२ जेठ २०८३, शुक्रबार
रसुवाको केरुङ नाका हुँदै नेपाल भित्र्याइँदै गरेको ७ किलो सुनसहित एक जनालाई प्रहरीले पक्राउ गरेको छ ।
पक्राउ पर्नेमा गोसाइँकुण्ड गाउँपालिकाका किशोर भुजेल छन् ।
तस्करी गरेर ल्याउँदै गरेको अवस्थामा आइतबार दिउँसो सुनसहित उनलाई नियन्त्रणमा लिइएको जिल्ला प्रहरी कार्यालय रसुवाका प्रमुख डीएसपी हेमबहादुर शाहीले लोकान्तरलाई जानकारी दिए ।
‘सुनसहित मान्छेलाई हामीले नियन्त्रणमा लिएका छौं, सात किलोकै आसपासमा हुनुपर्छ,' उनले लोकान्तरसँग भने ।
थप अनुसन्धान भइरहेको प्रहरीले जनाएको छ।
