म्याग्दीको रघुगंगा गाउँपालिका–३ स्थित कालीगण्डकीमा पौडी खेल्ने क्रममा बेपत्ता बालकको शव भेटिएको छ । सोमबार सशस्त्र प्रहरी बलको गोताखोर टिमले बालकको शव फेला पारेको हो ।

सोही ठाउँ बस्ने १५ वर्षीय निरज मल्ल पौडी खेल्ने क्रममा यही जेठ ३ गते नदीमा डुबेर बेपत्ता भएका थिए ।

सशस्त्र प्रहरी बल नेपाल नं. २४ कालिका गण कास्कीबाट सशस्त्र प्रहरी निरीक्षकको कमान्डमा खटिएको गोताखोरसहितको टोलीले उनको शव सोमबार दिउँसो साढे १२ बजे करिब १५ फिट गरिहाइबाट निकालेको हो ।

उनको खोजी कार्यका लागि नं. २४ कालिका गणबाट सोमबार बिहान ४ जना गोताखोर र ५ जना विपद् व्यवस्थापन तालिमप्राप्तसहित १९ जनाको टोली परिचालन भएको थियो ।