२० असार २०८३, शनिबार
चीनको पूर्वी शानडोङ प्रान्तमा रहेको एक रासायनिक प्लान्टमा भएको ठूलो विस्फोटमा कम्तिमा पाँच जनाको मृत्यु भएको छ। दुर्घटनामा १९ जना घाइते भएको बीबीसीले जनाएको छ ।
मंगलबार राति भएको दुर्घटनामा ६ जना बेपत्ता भएका छन् । सामाजिक सञ्जालमा भाइरल फुटेजमा घटनास्थलबाट कालो धुवाँ निस्किरहेको देखिन्छ।
स्थानीय प्रशासनका अनुसार शानडोङ युदाओ रासायनिक कारखानामा राहत र उद्धारका लागि २०० भन्दा बढी आपतकालीन उद्धारकर्मीहरू खटाइएको थियो।
कम्पनीको वेबसाइटका अनुसार यहाँ कीटनाशक र औषधि उत्पादन गरिएको थियो।
